ســــارة و الدكتــور مصطفــى

سارة مصطفى الغنيمى أشهر طفلة من أبناء المعتقلين من الاخوان المسلمين فقد قضت اكثر من نصف عمرها الخمس فى المعتقلات فمعظم المعتقلين يعرفونها جيدا وأصبحت هناك علاقة حميمه جدا بها حتى انهم لقبوها بــ ( الست سارة ).

ولدت أثناء سجن أبيها بسجن مزرعة طره عام 2004 وكانت أول رؤيه لها لأبيها بعد 10 أيام فقط من ولادتها و قضت نصف اعوامها الخمس الماضية محرومة من أحب الناس اليها .

لها علاقة شديده الارتباط مع أبيها وفريده ساعد فى بنائها ظروف الاعتقال و البعد عن أحب الناس اليها حتى اننا دائما نقول لما نشوفهم سوا (سارة و الدكتور مصطفى ) على غرار مسلسل الاطفال الشهير هند و الدكتور نعمان .

رسالة إلي حبيبى بابا

انا اسمي سارة مصطفي الغنيمي , ولدت يوم 3/8 / 2004 ,ولدت وانت ياحبيبي في المعتقل كان نفسي تكون أول من تراه عيني في الدنيا دي لكن أمن الدولة حرموني وحرموك من اللحظة الجميلة دي , وبعدين خرجت وانا عمري 3 شهور فسحتني وخرجتني وكنت تاخدني عندما ابكي وانا صغيرة تشتري لي الحلويات والعصير حتي تسعدنى وتذهب بي الي المراجيح وقبل العيد ذهبت بنفسك لتشتري لي فستان العيد , ثم لم يرضوا أن نعيش هذه الحياة السعيدة معا بل أن المنادين بحقوق الطفل والقراءة للجميع أبو إلا أن يحرموني منك وأنا عمري تسع شهور في شهر 4 /2005 حرموني منك 7 شهور أخري فأكثر من نصف عمرى الى الان قضاها أبى خلف الاسوار فى غياهب السجون وحرمت من اعز واغلى الله على بابا الحبيب .كنت اذهب الي الزيارة لالتقي بك والعب معك حتى أن اعمامي جميعا في سجن مزرعة طرة عرفوني جيدا و احبونى وكنت العب معهم جميعا (مع أعمامي في المعتقل) ,كبرت في المعتقل وانا تربيت في المعتقل لم اعش حياة الطفولة الي يعيشها الأطفال في سني , بحب جدا أوقات الزيارة علشان اشوف حبيبى بابا ولما بتخرج من المعتقل بستغل الاوقات الي أنت موجود فيها احسن استغلال انا مش بسيبك ابدا ولا بخليك تروح اي مشوار من غيري, ولما بتمشي تروح العيادة أقف علي الباب واودعك وطبعا اقولك مش تنسي تجيب لي (شيكواته وبست وشيبسي وسوداني) ولما ترجع استناك واخد منك الحلويات , عارف يا بابا أنا كل يوم اتفرج علي صور الرحلات الي روحنا فيها سوا زي رحلة الاقصر واسوان ورحلة حديقة الحيوانات , بابا حبيبي انا كنت وانت في السجن اعد الايام علي ايدي عشان اعرف من ماما انا هازورك امتي ودلوقتي كل ما أسال ماما احنا هانزور بابا امتي تقولي لسة شويا , انت بتوحشني خالص يابابا ونفسي ترجع عشان نلعب سوا وتاخدني في الحضن زي كل يوم وتقولي حضن كبير وأنام بالليل في حضنك وتحكي لي الحواديت وبعدين تقولي احكي لي انت بقي يا سارة الحدوتة تعال بقي يا بابا عشان توديني الحضانة وتستناني علي الباب وأقولك نشيد خروفي ياخروفي انا بدعي ربناكل يوم تيجي يا بابا يا حبيبي مع السلامة يا بابا لغاية لما نتقابل